ესპანიოლს ბალოტელი და სუასო მოუნდა
კატალონიურ ესპანიოლს მილანის ინტერიდან მარიო ბალოტელისა და დავიდ სუასოს იჯარის წესით წაყვანა სურს. ესპანური Sport-ის ცნობით, იმის შანსი, რომ იტალიელები იმედისმომცემ თავდამსხმელ ბალოტელის დაემშვიდობებიან, ძალიან მცირეა. ჰონდურასელი სუასო კი მილანელთა ძირითად შემადგენლობაში იშვიათად ხვდება და მისი გასხვისება არც ისე წარმოუდგენლად ჩანს. იტალიური პრესის თანახმად, სუასოს საკუთარ რიგებში ხილვა "ლივორნოსაც” სურს, რომელიც სერია A-ში ადგილის შენარჩუნებისთვის იბრძვის.
|