სავარაუდოდ, კრისტიან კივუ მილანის "ინტერს” სეზონის ბოლომდე დატოვებს.

რუმინელ მცველს კლუბთან კონტრაქტი 2012 წლის ივნისში ეწურება, "ნერაძური” კი ფეხბურთელთან ხელშეკრულების გაგრძელებას არ აპირებს. იმისთვის, რომ "ინტერმა” კივუ თავისუფალი აგენტის სტატუსით არ გაუშვას, შესაძლოა მილანელებმა ფეხბურთელი ზამთრის სატრანსფერო პერიოდშივე გაყიდონ.

32-წლის მცველს ევროპული ფეხბურთის გრანდები ეპატიჟებიან. კივუს გადაბირება მადრიდის "რეალს”, "ლივერპულსა” და "მანჩესტერ სიტის” სურთ. გავრცელებული ინფორმაციის თანახმად, ფეხბურთელის მსურველთა რიგში "ტოტენჰემიც” ჩადგა.

შეგახსენებთ, რომ კივუ "ინტერის” ღირსებას 2007 წლიდან იცავს.

FC.INTERNAZIONALE