ფეხბურთის იტალიელი სპეციალისტი რობერტო მანჩინი, წინადადების მიღების შემთხვევაში, მზადაა რუსეთის ნაკრების თავკაცობის შესახებ მოლაპარაკება გამართოს. რუსეთის ნაკრების მწვრთნელი გავხდე? როდესაც სპეციალისტი ვინმესგან თამაშრომლობის წინადადებას იღებს, ეს ყოველთვის კარგია. იგივე შემიძლია ვთქვა კლუბებთან დაკავშირებით. "რეალი”, "ბაიერნი”, თუ "მანჩესტერი”? როდესაც შესაძლებლობა მეძლევა, ყოველთვის მზად ვარ შემოთავაზებული წინადადების განსახილველად”, - ავრცელებს sportmediaset.it-ი მანჩინის კომენტარს. შეგახსენებთ, რომ მას შემდეგ, რაც რუსებმა მსოფლიოს 2010 წლის პირველობის დასკვნით ეტაპზე ასპარეზობის უფლება ვერ მოიპოვეს, მასმედიამ, გუნდის მთავარი მწვრთნელის თანამდებობიდან ჰოლანდიელი გუს ჰიდინკის მოსალოდნელი გადადგომის შესახებ გაავრცელა ინფორმაცია. რაც შეეხბა რობერტო მანჩინის, სხვადასხვა პერიოდში, იგი "ფიორენტინას” (2001-2002), "ლაციოს” (2002-2004) და მილანის "ინტერის” (2004-2008) მთავარი მწვრთნელი იყო.
|