მილანის ინტერის 19 წლის ფორვარდ მარიო ბალოტელის რომასთან ჩატარებული მეორე ტაიმის გამო ჟოზე მაურინიოსგან კრიტიკის მთელი ქარცეცხლი დაატყდა თავს. შეგახსენებთ, ბალოტელი მინდორზე მუნტარის ნაცვლად მეორე ტაიმში შევიდა და როგორც პორტუგალიელი ამბობს, საშინლად ითამაშა. ბალოტელის თამაში უბრალოდ ამაზრზენი იყო, ჯობდა საერთოდ არ ეთამაშა. ის არ დარბოდა, არ ცდილობდა და გუნდისთვის არაფერი გაუკეთებია. დეიან სტანკოვიჩი მასზე გაცილებით უფროსია, მაგრამ მასზე ბევრად უფრო მხნედ გამოიყურებოდა, თანაც მარიომ მხოლოდ ტაიმი ითამაშა. ის 19 წლისაა, თუნდაც მხოლოდ ამიტომ მოეთხოვება უფრო მეტი. ბალოტელისთან მუშაობა ჩემს ძალებს აღემატება, ალბათ ამისთვის სხვისი დახმარება დამჭირდება. დავიღალე, მარიოს არაფრის შეცვლა არ სურს, თამაშობს ისე, როგორც უნდა, ასე კი კარიერა თავზე დაენგრევა. ახლა ამ ყველაფერს საჯაროდ მხოლოდ იმიტომ ვამბობ, რომ იმედი მაქვს, პრესა მაინც მოახდენს გავლენას, სხვა გამოსავალს ვერ ვხედავ, – ამბობს მაურინიო.
|