მილანის ინტერი ბელარუსიის ნაკრების ნახევარმცველით, ალექსანდრ გლებით დაინტერესდა. Sport Bild-ი იუწყება, რომ "ნერაძურის” მთავარ მწვრთნელ ჟოზე მოურინიოს გლების შეძენა ჯერ კიდევ მიმდინარე წლის ზაფხულში სურდა. თავად გერმანული "შტუტგარტის” მოთამაშე მსგავსი ტრანსფერის შესაძლებლობას გამორიცხავს. შეგახსენებთ, რომ 2008 წლიდან გლები კატალონიური "ბარსელონას” კუთვნილებაა (19 მატჩი პრიმერადივიზიონში), "შტუტგარტში” კი ის იჯარის წესით მიმდინარე სეზონში ასპარეზობს (11 მატჩი, 1 გოლი გერმანიის პირველობაში). ადრე ბელარუსი ჰავბეკი "ბატეში” (1999-2000, 12 მატჩი, 4 გოლი ბელარუსის პირველობაში), "შტუტგარტში” (2000-2005, 137 მატჩი, 12 გოლი ბუნდესლიგაში) და ლონდონის "არსენალში” (2005-2008, 89 მატჩი, 7 გოლი პრემიერლიგაში) გამოდიოდა.
|