მილანის ინტერის მთავარი მწვრთნელი ჟოზე მაურინიო, შესაძლოა, თანამდებობიდან გათავისუფლონ. Corriere dello Sport-ის მიერ გავრცელებული ცნობით, თუ "ნერაძური” ჩემპიონთა ლიგის პლეი-ოფში ვერ გავა, კლუბის პრეზიდენტი, მასიმო მორატი, ფეხბურთის პორტუგალიელ სპეციალისტს დაითხოვს. სწორედ ასეთი რეაგირება ჰქონდა შავ-ლურჯმაისურიანთა თავკაცს "ბარსელონასა” და "ინტერის” მატჩის (2:0) შემდეგ. ევროპის ყველაზე პრესტიჟული საკლუბო ტურნირის შემდგომ ეტაპზე გასასვლელად, იტალიურმა კლუბმა საკუთარ მოედანზე უნდა დაამარცხოს რუსული "რუბინი”, თუმცა შესაძლოა, საყაიმო ანგარიშითაც მიეცეს ფლეი-ოფში ასპარეზობის გაგრძელების უფლება. ამჟამად მილანის ინტერი ჯგუფში 6 ქულით მესამე ადგილზეა. ასევე 6 ქულით მეორე პოზიციაზე იმყოფება ყაზანის "რუბინი”, ხოლო ჯგუფს 8 ქულით "ბარსელონა” ლიდერობს.
|