Goal.com"-ისთვის მიცემულ ინტერვიუში ჟოზე მოურინიომ განაცხადა, რომ სულაც არ ეშინია ინტერიდან გათავისუფლების. მიუხედავად იმისა, რომ მისი გუნდი ჩემპიონატს დამაჯერებლად ლიდერობს და ჩემპიონთა ლიგაშიც ინარჩუნებს პლეი-ოფში გასვლის შანსს, ჟურნალისტები მაინც აკრიტიკებენ პორტუგალიელსა და მის კლუბს უხარისხო თამაშის გამო. იტალიურ პრესაში დადის ხმები, რომ იმ შემთხვევაში თუ შავ-ლურჯები ვერ გადალახავენ ჯგუფურ ეტაპს მორატი პორტუგალიელს კარისკენ მიუთითებს. ამ ყველაფერზე კი თავად მოურინიომ საკმაოდ ირონიულად ისაუბრა: "გათავისუფლება ? რისთვის ? იმისთვის, რომ სერია ა-ში პირველ ადგილზე ვართ და ლიგაზე ბარსასთან დავმარცხდით ? ეს ხომ სასაცილოა. ინტერმა ბარსელონასთან წააგო და ამით ჩვენ მიწასთან გაგვასწორეს, ის კი დაივიწყეს, რომ იუვეს ბორდოსთან აქვს წაგებული, მილანს კი სულაც ციურიხთან. მე არ მეშინია გადაყენების, რადგანაც უმუშევრობა მე ნამდვილად არ დამემუქრება."-განაცხადა ინტერის მთავარმა მწვრთნელმა.
|