იტალიური ინტერის ექსფორვარდმა ადრიანომ, რომელიც ამჟამად ბრაზილიური ფლამენგოს ღირსებას იცავს, აღიარა, რომ ერთ დროს მზად იყო, სიცოცხლე თვითმკვლელობით დაესრულებინა. ფეხბურთელს დეპრესია მამის გარდაცვალების შემდეგ დაეწყო. სპორტსმენები ხშირად ხდებიან დეპრესიის მსხვერპლი. ამ პრობლემას მე წავაწყდი და სულ ცოტა დამაკლდა იგივეს გაკეთებამდე, რაც რობერტ ენკემ ჩაიდინა. ეს 2004 წელს მოხდა, როცა მამა გარდამეცვალა. არ ვიცოდი, საკუთარ თავს სად გავქცეოდი. დავიწყე ალკოჰოლის დიდი დოზით მიღება. იმედი მქონდა, ეს გზა პრობლემას დამავიწყებდა. სმასთან ერთად ჩემს საფეხბურთო კარიერასაც საფრთხე დაემუქრა. საბოლოოდ, სამშობლოში დაბრუნება გადავწყვიტე. საბედნიეროდ, ახლობელთა წრეში ტრიალმა სიცოცხლისა და ფეხბურთის თამაშის ხალისი აღმიდგინა. ახლა მზად ვარ, ნაკრებში დასაბრუნებლადაც ვიბრძოლო", - აღნიშნა 27 წლის ფორვარდმა. ინტერიდან წასვლის შემდეგ, ადრიანომ ფლამენგოს შემადგენლობაში 27 მატჩის გამართვა მოასწრო, რომლებშიც მეტოქეთა კარი 18-ჯერ აიღო. ბრაზილიის ეროვნულ გუნდში ჩატარებულ 47 შეხვედრაში კი, 27 გოლი აქვს გატანილი.
|