კამერუნის ფეხბურთელთა ეროვნული ნაკრების თავდამსხმელმა სამუელ ეტო’ომ თანაგუნდელებს ძვირფასი საათები უსახსოვრა. Football Italia იუწყება, რომ მსოფლიოს 2010 წლის ჩემპიონატის ფინალურ ეტაპზე ასპარეზობის უფლების მოპოვებისთვის, მილანის "ინტერის” ფორვარდმა კამერუნის ნაკრებში თითოეული თავისი კოლეგა 30 ათას გირვანქად შეფასებული მაჯის საათით დაასაჩუქრა.
ეს პირველი შემთხვევა არ არის, როდესაც ეტო’ომ თავისი ქვეყნის ეროვნული გუნდის წარმომადგენლები მატერიალურად წაახალისა. 4 წლის წინ, საშინაო მატჩში კოტ დ’ივუარელთა დამარცხების შემდეგ, "ბარსელონას” ყოფილმა თავდამსხმელმა კამერუნის ნაკრების თითოეულ ფეხბურთელს 2 ათასი აშშ დოლარი გადასცა.
| 
FC.INTERNAZIONALE 
Fc.inter