მილანის მცველმა ტიაგო სილვამ განცხადება გააკეთა და ჟურნალისტებს გამოუტყდა, რომ ახლოს იყო ინტერში გადასვლასთან მაშინ, როცა ჯერ კიდევ ფლუმინენსეს ღირსებას იცავდა.
მე მინდოდა ინტერში გადასვლა და ამის დიდი შანსიც იყო, მაგრამ მოლაპარაკებები არ შედგა. შემდეგ ფლუმინენსეს შემოთავაზება მილანმა გაუკეთა და მეც მაშინვე დავთანხმდი.- სილვას ინტერვიუს წერს Tuttosport.
ტიაგო სილვა როსონერიში ოფიციალურად შარშან ზაფხულში გადმოვიდა მიუხედავად იმისა, რომ შავ-წითლებს იგი უკვე იანვარში ნაყიდი ჰყავდათ, მაგრამ არაევროკავშირელების ლიმიტი ამოწურული ჰქონდათ. ბრაზილიელში "მილანმა” 10 მილიონი გადაიხადა და სილვამ გადმოსვლის შემდეგ მაშინვე დაიმკვიდრა ადგილი ლეოს შემადგენლობაში.
|