იტალიის ჟურნალისტთა ასოციაცია მილანის ინტერის მთავარი მწვრთნელის ჟოზე მაურინიოს დასჯას მოითხოვს.
როგორც Football Italia იტყობინება, პორტუგალიელმა სპეციალისტმა, რომელიც კოლეგებისა და ჟურნალისტების მიმართ კეთილგანწყობით არ გამოირჩევა, ინტერსა და ატალანტას (1:1) შორის სერია A-ს მე-16 ტურის მატჩის დროს, ერთ-ერთ რეპორტიორს, ანდრეა რამაზოტის ხელი ჰკრა და შეურაცყოფა მიაყენა.
ჩვენ მოვითხოვთ ეს საქმე სპორტულმა არბიტრაჟმა განიხილოს, შეაფასოს მაურინიოს ქმედება და მას შესაბამისი სანქცია დაუწესოს – აცხადებს იტალიელ ჟურნალისტთა ასოციაციის პრეზიდენტი ლუიჯი ფერაიოლო.

FC.INTERNAZIONALE