შვედეთის ეროვნული ნაკრებისა და ბარსელონას ფორვარდი ზლატან იბრაჰიმოვიჩი მომავალში იტალიაში დაბრუნებას არ გამორიცხავს. ამის შესახებ Radio Radio-სთვის მიცემულ ინტერვიუში შვედი ფეხბურთელის აგენტმა მინო რაიოლამ ისაუბრა.
ზლატანი პატიოსანი ადამიანია, ამიტომ ამბობდა, რომ მთელი თავისი კარიერის განმავლობაში ერთი და იგივე გუნდში თამაშს არ აპირებს. მასთან დაკავშირებით არაფერია გამორიცხული. თუ დადგება დღე, როდესაც იბრაჰიმოვიჩს ბარსელონაში ყოფნა მობეზრდება, იტალიაში დაბრუნების შესაძლებლობა ექნება. სად? მას რომასა და ნაპოლის მსგავსი გუნდები მოწონს. ისე კი, ზლატანი ესპანეთში ამჟამად თავს შესანიშნავად გრძნობს. მან იქ სახლიც იყიდა. ხოლო იმ შემთხვევაში თუკი არჩევანი იუვენტუსსა და ინტერს შორის დადგება, უმჯობესია იგი მილანურ კლუბში დაბრუნდეს”, - ამბობს რაიოლა.
იბრაჰიმოვიჩი ინტერიდან ბარსელონაში გასულ ზაფხულს გადავიდა, როდესაც მის სანაცვლოდ კატალონიელებმა იტალიელებს სამუელ ეტო’ო დაუთმეს და სოლიდური თანხაც დაამატეს. უფრო ადრე შვედი თავდამსხმელი ტურინის "იუვენტუსის” ღირსებას იცავდა.
მიმდინარე სეზონში ბარსას მაისურით ზლატანმა 8 გოლი გაიტანა, აქედან 7 - პრიმერადივიზიონში ჩატარებულ 9 მატჩში.

FC.INTERNAZIONALE