საფეხბურთო ექსპერტთა აბსოლუტური უმრავლესობა თანხმდება, რომ იტალიური გუნდებისთვის მიმდინარე სატრანსფერო კამპანია ბოლო წლებში ყველაზე მძიმეა.

კალჩო ფინანსურ და კორუფციულ კრიზისშია, რამაც ქვენიდან ვარსკვკლავთა გადინება განაპირობა. ბოლო აკორდი ზლატან იბრაჰიმოვიჩის და ტიაგო სილვას პსჟ-ში გადაბარგება იყო, თუმცა შესაძლოა, ამით არც დასრულდეს ყველაფერი.

სერია A-ს გუნდებში კიდევ არაერთი ფეხბურთელია, რომლებიც ახალ ნავსაყუდელს ეძებენ და საინტერესო წინადადებებს ელოდებიან. ქვემოთ, სწორედ იმ მოთამაშეებზე შევაჩერებთ თქვენს ყურადღებას, რომლებიც ტრანსფერზე არიან დაყენებულნი და დღე დღეზე, გუნდს შეიცვლიან...

დავიდ პისარო (რომა). 32 წლის
როდესაც "რომას" ლუის ენრიკე ჩაუდგა სათავეში, ბევრმა ივარაუდა, რომ დავიდ პისარო გუნდისთვის ფუნდამენტური მნიშვნელობის ფეხბურთელი გახდებოდა და ამ ვარაუდს ჰქონდა თავისი საფუძველი - დავიდი ტექნიკურია, ბურთს შესანიშნავად აკონტროლებს და თითქოს, კატალონიური ტიკი-ტაკასთვის იოლად უნდა აეღო ალღო.

თუმცა, რეალობა სხვაგვარი გამოდგა - ესპანელმა სპეციალისტმა მალევე აითვალწუნა ჩილელი შუახაზელი და იჯარით, "მანჩესტერ სიტიში" გაუშვა.

ამ ზაფხულს, პისარო "რომას" დაუბრუნდა, თუმცა როგორც ჩანს, კვლავ ახალი კლუბის ძიება მოუწევს. "ჯალოროსის" ახალმა მთავარმა მწვრთნელმა უკვე განაცხადა, რომ პისაროს ტრანსფერზე დაყენება სურს და მის პოზიციაზე ამერიკელი ბრედლი მიიყვანა.

თუმცა, ბრედლის გარდა, საყრდენი ნახევარმცველი "რომას" არაერთი ჰყავს და პისაროს ადგილი გუნდში აღარ არის. ბოლო ცნობების თანახმად, ჩილელის გადაბირება პრემიერლიოგის რამდენიმე გუნდს სურს.

ხუან მანუელ ვარგასი (ფიორენტინა). 28 წლის
ხუან მანუელ ვარგასისთვის გასული სეზონი წარუმატებელი გამოდგა და სწორედ ამიტომ, მისი "ფიორენტინადან" აბარგების საკითხი დადგა დღის წესრიგში.

მართალია, რვა საგოლე გადაცემა მიითვალა აქტივში, მაგრამ სამაგიეროდ, ვერც ერთი გოლი ვერ გაიტანა და დამაგვირგვინებელ ფაზაში იშვიათი უზუსტობა გამოავლინა. სწორედ ამიტომ, მის მიმართ კრიტიკა არც სინიშა მიხაილოვიჩს დაუშურებია და არც დელიო როსის - ორივე, "ფიორენტინას" წვრთნის და ორივე უკმაყოფილო გახლდათ ვარგასის ქმედებით.

ხუან მანუელი ტრანსფერზეა დაყენებული და მის მიმართ უკვე იჩენენ ინტერესს - მაგალითად, "ლაციო" მზადაა, სამხრეთამერიკელის სანაცვლოდ 3 მილიონი ევრო გადაიხადოს და ვნახოთ, რა გაგრძელება ექნება ამ ისტორიას.

ვინჩენცო იაკვინტა (იუვენტუსი). 32 წლის
ვინჩენცო იანკვინტას "იუვენტუსთან" კიდევ ერთწლიანი ხელშეკრულება აკავშირებს, გასული სეზონი კი იჯარის წესით "ჩეზენაში" გაატარა. ტურინში დაბრუნებულ ვინჩენცოს ანტონიო კონტემ მყისვე აგრძნობინა, რომ მისი ადგილი გუნდში აღარ არის და ურჩევნია, ახალი ნავსაყუდელი მოძებნოს.

ვერ ვიტყვით, რომ ვინჩენცოზე ტაციაობაა, მაგრამ რამდენიმე გუნდი ნამდვილად იჩენს ინტერესს... სხვებზე მეტად "კიევო" აქტიურობს, რომელიც ამ ზაფხულს ვეტერანი ფირვარდების მიმართ მოჭარბებულ ინტერსშია შემჩნეული - ვერონელებმა უკვე დაიმატეს დავიდე დი მიკელე და როგორც ჩანს, ამაზე გაჩერებას არ აპირებენ.

ხოსე ანხელი (რომა). 22 წლის
მიუხედავად იმისა, რომ ხოსე ანხელის სადებიუტო შეხვედრა "რომაში" წითელი ბარათით აღინიშნა, ფეხბურთელმა ლუის ენრიკეს ნდობა დაიმსახურა და გასულ სეზონში, ძირითადი შემადგენლობის უცვლელი წევრი იყო.

ესპანელმა მცველმა 27 შეხვედრაში მიიღო მონაწილეობა და როგორც წესი, მარცხენა მცველის პოზიციაზე ირჯებოდა.

დაინიშნა თუ არა ზდენეკ ზემანი "რომას" მთავარი მწვრთნელის პოსტზე, სატრანსფერო კამპანია დაგეგმა და პირველი ის განაცხადა, რომ მარცხენა მცველი უნდა ეყიდა; სიტყვა მალევე აასრულა, ჯერ ბრაზილიელი დოდო გადაიბირა, შემდეგ კი ფედერიკო ბალცარეტის ტრანსფერიც გაჩარხა...

რა გასაკვირია, რომ ხოსე ანხელის ადგილი "ჯალოროსიში" აღარ არის და ამას თვით ფეხბურთელის პირადი აგენტი ადასტურებს - მისივე თქმით, მოლაპარაკებებს აწარმოებს "ბენფიკასთან" და დიდი შანსია, ესპანელი მცველი პორტუგალიაში გადავიდეს.

ფრანსელინო მათუსალემი (ლაციო). 32 წლის
ერთ-ერთ წინა ნომერში გაუწყეთ, რომ "ლაციოს" მთავარმა მწვრთნელმა ფრანსელინო მათუსალემი ტრანასფერზე დააყენა და მის მიმართ სერია A-ს რამდენიმე გუნდი იჩენს ინტრესს, მათ შორის, "პარმა".

ემილიელებმა დაადასტურეს ბრაზილიელი ნახევარმცველის მიმართ ინტერესი და დასძინეს, მზად ვართ მის ნაცვლად 2 მილიონი ევრო გადავიხადოთო. საბოლოო სიტყვა რომაელებმა უნდა თქვან და თუ იმას გავითვალისწინებთ, რომ ფრანსელინოს მოცილების დიდი სურვილი აქვთ, წესით უარი არ უნდა თქვან.

თავად ფეხბურთელმა უკვე განაცხადა, რომ იტალიაში სურს დარჩენა და სერია A-ს გუნდებიდან შეთავაზებებს დიდი სიამოვნებით განიხილავს.

მოკლედ, ბორიელოს აღარც რომში დაედგომება და ახალ ნავსაყუდელს ეძებს - ამობენ, მარკო შეიძლება "მილანში" დაბრუნდესო, მაგრამ ჯერჯერობით, ეს ინფორმაცია მხოლოდ ჭორის დონეზეა. ვნახოთ, რა ბედი ელის გზააბნეულ ფორვარდს.

ყველაზე ხშირად, პოლის "ნაპოლიში" შესაძლო გადაბარგებაზე საუბრობენ, თუმცა "იუვენტუსიც" საკმაოდ აქტიურობს. არის "რომას" და "ინტერის" ვარიანტებიც, თუმცა ჯერჯერობით, საქმე მოლაპარაკებამდე არ მოსულა. პოლი ალბათ დატივებს "სამპდორიას" და თუ სად გააგრძელებს კარიერას, ამას დრო გვიჩვენებს.

FC.INTERNAZIONALE