პოლონეთში გამგზავრებამდე იტალიის ეროვნულმა ნაკრებმა დღეს ბოლო ვარჯიში გამართა.სრული დატვირთვით გუნდთან ერთად არ უვარჯიშია მარიო ბალოტელის, რომელიც გუშინ მუხლის მცირე ტრავმამ შეაწუხა და წინასწარი ინფორმაციით, თავის დაზღვევის მიზნით, "სიტის” ფორვარდის დატვირთვა ჩეზარე პრანდელიმ არ ისურვა.აღსანიშნავია, რომ ანდრეა ბარძალის არ ყოფნაში სკუადრა აძურამ 3-5-2 ტაქტიკა შეინარჩუნა, თუმცა დაცვაში ლეონარდო ბონუჩისთან და ჯორჯო კიელინისთან ერთად "რომას” ერთ-ერთი ლიდერი, დანიელე დე როსი მოქმედებდა.მარჯვენა ფლანგზე ძირითადისთვის იგნაციო აბატე და კრისტიან მაჯიო იბრძვიან, მარცხნივ კი ფედერიკო ბალძარეტი და ემანუელე ჯიაკერინი ეცილებიან ერთმანეთს.რაც შეეხება წინახაზს, დღევანდელ ვარჯიშზე პრანდელიმ ორი წყვილი გამოკვეთა : ანტონიო კასანო და სებასტიან ჯოვინკო; ანტონიო დი ნატალე და ფაბიო ბორინი, ეს კი, რა თქმა უნდა მარიო ბალოტელის არ ყოფნაში.
|
FC.INTERNAZIONALE 
Fc.inter