"ინტერში" ახალი ერა იწყება. ამ გუნდის ჰოლანდიელი ნახევარმცველი ვესლი სნეიდერი ევროპის ჩემპიონატზე წარუმატებელი გამოსვლის შემდეგ, "პინეტინაზე" ერთვიანი შვებულების მერე დაბრუნდა. ჟოზე მაურინიოს ფორმაციის გუნდიდან, რომელმაც 2009/2010 წლების სეზონში ტრიპლეტი გაახერხა, ბევრი ფეხბურთელი აღარაა დარჩენილი და იყო საშიშროება, რომ წამსვლელთა შორის ვესლი სნეიდერიც მოხვედრილიყო, მაგრამ მან ახალგაზრდა დამრიგებელ ანდრეა სტრამაჩიონთან საერთო ენა გამონახა , "კომოსთან" და "სელტიკთან" ამხანაგურ მატჩებში ჩინებული შთაბეჭდილება დატოვა, ურიგოდ არც ევროპა ლიგის მესამე საკვალიფიკაციო ეტაპზე "ჰაიდუკთან" უასპარეზია და ამის წყალობით, როგორც მწვრთნელის, ასევე ხელმძღვანელთა ნდობა მოიპოვა. "კორიერე დელო სპორტთან" სნეიდერმა თითქმის ყველა აქტუალურ თემაზე გამოწვლილვით ისაუბრა.
- ერთვიანმა დასვენაბამ გარგოთ? - მინდა ყველაფერი თავიდან დავიწყო. გასულ სეზონში როგორც საკლუბო, ასევე სანაკრებეო დონეზე ვერაფერს მივაღწიე და მსგავსი რამ აღარ უნდა განმეორდეს. უკვე 28 წლის ვარ, დროის დაკარგვა აღარ მსურს და მინდა კარიერის დასრულებამდე რაც შეიძლება მეტი ჯილდო მოვიგო.
-"სელტიკთან" და "ჰაიდუკთან" მატჩების მერე შემდეგ ახალ "ინტერზე" როგორი შთაბეჭდილება დაგრჩათ? - გუნდში მნიშვნელოვანი ცვლილებები განხორციელდა, თუმცა იმ დონეზე ჯერ ვერ ვდგავართ, როგორზეც 2010 წელს ვიყავით. ამ ორი წლის განმავლობაში ნერიაძურიში რამდენიმე შესანიშნავი ფეხბურთელი მოვიდა, განსაკუთრებული იმედები კი მაინც ახალგაზრდებზე მყარდება. მწვრთნელიც ძალიან გამოუცდელი და ახალგაზრდა გვყავს, მაგრამ გული მიგრძნობს, მისი ხელმძღვანელობით უდიდეს წარმატებას მივაღწევთ.
- სულ სხვა ატმოსფეროა შექმნილი? - დიახ,იმიტომ რომ ძალიან ბევრი რამაა შეცვლილი ახალგაზრდა და გამოცდილი ფეხბურთელის ერთგვარ სინთეზს წარმოადგენს დღევანდელი "ინტერი" და სწორ გზაზე რომ ვართ, ამის დასტური მოახლოებული სეზონი იქნება.
- ამ ზაფხულს გუნდის გამოცვლაზე ფიქრობდით? - არა, რადგან ისეთი ადამიანი ვარ, რომელიც მხოლოდ აწყმოზეა კონცეტრირებული და მომავალზე არ ფიქრობს. არავინ არ იცის, რა მოხდება ხვალ და უმჯობესია ყველა ფეხბურთელმა დღევანდელ დღეზე იფიქროს. "ინტერის" ფეხბურთელი ვარ და ნავთსაყუდელის გამოცვლაზე საერთოდ არ ვფიქრობ. თუ კარგი წინადადება იქნება მივიღებ, კიდევ შეიძლება ამ თემაზე დაფიქრება. აქ იმისთვის ვარ, რათა პრეზიდენტი და ულტრასები ჯილდოების მოგებით გავახარო.
-რამდენიმე კვირის წინ, რუსეთიდა საკმაოდ სარფიანი შემოთავაზება გქონდათ... - ახლა ყველამ იცის, რომ მსოფლიოში ძალიან ბევრ კლუბს ააქვს საიმისო ფული, რომ ამ თუ იმ ფეხბურთელისთვის სარფიანი წინადადებების შეთავაზების უფლება მისცეს საკუთარ თავს. ფული ყველა ფეხბურთელისთვის მნიშვნელოვანია მაგრამ რუსეთის ჩემპიონატისთვის მე ძალიან ახალგაზრდა ვარ.
- ახალ "ინტერში" თვენი თავი როგორ წარმოგიდგენიათ? - მინდა შთამბეჭდავი სეზონი ჩავატარო და რამდენად შევძლებ ამის გაკეთებას, მოედანზე გამოჩნედაბა. ჩემი ასპარეზობის შეფასება კი თქვენთვის მომინდვია.
- ჯან-პიერო გასპერინთან და კლაუდიო რანიერისთან ურთიერთობის დარეგულირება რატომ ვერ შეძელით? - ისინი არასწორ პოზიციაზე მათამაშებდნენ. გაგიგიათ, სნეიდერს საყრდენად მაღალ დონეზე ეთამაშოს? სტრამაჩიონიმ პირდაპირ მითხრა, რომ ჩემ გამოყენებას მარცხენა ნახევარმცველად აპირებდა და მას სიამოვნებით დავთანხმდი. რანიერისთან პირად ურთიერთობასი არანაირი პრობლემა არ მქონია, იგი უბრალოდ ისეთ ტაქტიკურ დავალებებს ვერ გვაძლევდა, რომლის წყალობითაც "ინტერი" ყველასთვის გადაულახავ ბარიერად იქცეოდა.
-სტრამაჩიონიმ რით მოგხიბლათ? - მისი საფეხბურთო ხედვა ძალიან კარგია და ეს მომწონს მასში. რაც ის მოვიდა, ბურთთან ერთად ვარჯიში უფრო ხშირად გვიწევს, რაც ჰოლანდიაში ასპარეზობის მერე არ გამიკეთებია. მართლია გამოცდელია, მაგრამ მაგარია და მერწმუნეტ, თავის პირველ სრულფასოვან "ინტერულ" სეზონში სტრამა დიდი წარმატებებს მიაღწევს.
- რა საერთოა სტრამაჩიონსა და მაურინიოს შორის? - ორივემ კარგად იცის თითოეულ ფეხბურთელს როგორ მიუდგეს, რაც გუნდის წარმატების საწინდარია.
-ესპანეთში წერენ, რომ ჟოზე მაურინიო თქვენ "რეალში" დაბრუნებისკენ გიბიძგებთ... -არამარტო წერენ, არამედ მოუმ ტელეფონით დამირეკა და გადაბარგება მთხოვა, რაზეც უარი ვუთხარი. სეუ ჟოზე ძალიან მიყვარს, სამეფო კლუბი კი არა.
-რას ნიშნავს თქვენთვის ევროპა ლიგაზე თამაში? - იმას, რომ ჩვენდა სამწუხაროდ, ჩემპიონთა ლიგაზე ვერ მოვხვდით, თუმცა უყურადღებოდ არც ამ გათამაების დატოვება შეიძლება.
-ახლა მაინც მოიპოვებს "ინტერი" ჩემპიონთა ლიგის საგზურს? - მეორე და მესამე ადგილის გაგონებაც კი არ გვინდა, ჩვენი მიზანი სკუდეტოს მოგება იქნება.
-"იუვენტუსი" დაუმარცხებელი გუნდია? -სხვა გუნდებზე ლაპარაკი არ მიყვარს, მთავარია "ინტერმა" ქულათა მაქსიმუმი მოუყაროს თავი და "იუვეს" რაც უნდა ის უქნია.
-რა გაიფიქრეთ, როცა გაიგეთ რომ ტიაგო სილვამ და ზლატან იბრაჰიმოვიჩმა "მილანი" დატოვეს? - რა და კალჩოს სილვას და იბრას დონის ვარსკვლავი აღარ ეყოლება წელს.
-სნეიდერი უკანასკნელი ვარსკვლავია, რომელიც კალჩოში თამაშობს? - კომპლიმენტები მსიამოვნებს, მაგრამ ჩვენს ლიგასი კიდევ რამდენიმე მაღალი დონის მოთამაშე ასპარეზობს.
-ნაიჯელ დე იონგი მალე თვქვენი თანაკლუბელი გახდება? - მასშვიდი წელია ვიცნობ და ნაიჯელისნაირი შრომისმოყვარე ფეხბურთელი ბევრი არ მინახავს. თუ დონ მასიმო მის თაობაზე დამეკითხება, ჩემგან კარგ რეკომენდაციას მიიღებს.
-"ინტერი" კიდევ ერთი თქვენი თანამემამულით იბრაჰიმ აფელაით ინტერსედება... -აფელაი ახალგაზრდაა და იმ სათამაშო დროით, რამდენიც მას "ბარსელონაში" ეძლევა, ბევრს ვერაფერს მიაღწევს. ასე რომ, უჯიბს "ინტერში" გადმოვიდეს და ადაპტაციის მხრივ არანაირი პრობლემები არ შეექმნება, ამის გარანტიას მე ვაძლევ.
| 
FC.INTERNAZIONALE 
Fc.inter