FC.INTERNAZIONALE              

ბრაზილიური სან-პაულოს შემტევი ფეხბურთელით დაინტერესებულები არიან ევროპული გრანდები, თუმცა, როგორც მოთამაშის აგენტმა ვაგნერ რიბეირომ განაცხადა, არც თავის კლიენტს აქვს კლუბის დატოვების სურვილი და არც გუნდს, მისი გაყიდვის.

„შემიძლია ვთქვა, რომ ინტერს, ჩელსის და მანჩესტერ იუნაიტედს უკვე აქვთ ჩემთან კონტაქტი", - აცხადებს შემტევი გარემარბის აგენტი ვაგნერ რიბეირო Globo Esporte-სთან ინტერვიუში.

„ლუკასს აქვს ყველაფერი, რაც საჭიროა ევროპაში სათამაშოდ. ის კარგი მოთამაშეა, ძალიან სწრაფია და იცის, თუ როგორ უნდა გაიტანოს გოლი".

„ამ ეტაპზე ლუკასს სურს კლუბში დარჩენა, ხოლო კლუბს არ უნდა მისი გაყიდვა".

ზაფხულში ამ ნიჭიერი მოზარდით შეიძლება ნებისმიერი კლუბი დაინტერესდეს. ლუკასს სან-პაულო მხოლოდ 80 მილიონ ფუნტად შეელევა და ამჟამად შექმნილი სიტუაციით, სავარაუდოა, რომ ისინი არ განიხილავენ 35 მილიონ ფუნტზე ნაკლებ შემოთავაზებას.