დღეს, იტალიის სერია А-ს გადადებული 33-ე ტური შედგა. მილანის "ინტერმა” სტუმრად "უდინეზე” ანგარიშით 3:1 დააამრცხა, რამაც "ნერიაძურის” ფეხბურთელთა კმაყოფილება გამოიწვია. შეხვედრაში ანგარიში მასპინძლებმა გახსნეს, ულამაზესი გოლით მე-6 წუთზე დანილო გამოირჩა. მე-10 წუთზე უესლი სნეიდერმა სტატუსქვო აღადგინა, 28-ე წუთზე კი დუბლი გაიფორმა. შეხვედრის საბოლოო წერტილი კი რიკარდო ალვარესმა 37-ე წუთზე დასვა. "ინტერის” მცველ დუგლას მაიკონის თქმით, სამი ქულა ანდრეა სტრამაჩიონის დამსახურებაა. ჩემპიონატის დასრულებამდე ოთხი ტურით ადრე, "შავ-ლურჯები” სატურნირო ცხრილის მეექვსე ადგილს იკავებენ და მესამე პოზიციაზე მყოფ რომის "ლაციოს” მხოლოდ სამი ქულით ჩამორჩებიან. "გოლი გავუშვით, თუმცა ყურები არ ჩამოგვიყრია. გუნდმა მწვრთნელის მითითებები ზედმიწევნით ზუსტად შეასრულა და ჩვენ გავიმარჯვეთ. ეს სამი ქულა სტრამაჩიონის დამსახურებაა”, – განაცხადა მაიკონმა.
| 
FC.INTERNAZIONALE 
Fc.inter