FC.INTERNAZIONALE              

მილანის "ინტერის” ფორვარდმა დიეგო ფორლანმა განაცხადა, რომ საკუთარი თავის "ნერიაძურიში” წარმოჩენა ჯერ ვერ მოახერხა. მიმდინარე სეზონში ურუგვაელი ფორვარდი ყველა ტურნირზე მილანური კლუბის ფორმით 19-ჯერ გამოვიდა და მხოლოდ ორი გოლი გაიტანა.

"ინტერიდან” წასვლა არ მინდა. აქ თამაშით ბედნიერი ვარ. უბრალოდ სეზონი ტრავმების გამო ჩამივარდა. კარიერის განმავლობაში რთული პერიოდები აქამდეც მქონია. უნდა მიხვდე, რომ რაღაცას არასწორად აკეთებ და შეცდომების გამოსწორებაზე იფიქრო”, – საუბრობს ფორლანი.

"ინტერის” რიგებში ნამდვილი ფორლანი ჯერ კიდევ არ გინახავთ. ვიცი, რომ უკეთ თამაში შემიძლია. მილანურ კლუბში ასპარეზობა ყოველთვის მინდოდა. ახლა ამის საშუალება მაქვს და ეს შანსი უნდა გამოვიყენო. არ მინდა გუნდის დატოვება მაშინ, როცა პრობლემები მაქვს”, – დაასრულა "ინტერის” ურუგვაელმა თავდამსხმელმა.