მას შემდეგ, რაც ანდრე ვილაშ ბოაში "ჩელსიდან" დაითხოვეს, იტალიურ სპორტულ პრესაში არ წყდება საუბრები მისი "ინტერში" შესაძლო დანიშვნის შესახებ.
ამ საკითხზე კომენტარი მილანური გრანდის სპორტულმა დირექტორმა მარკო ბრანკამ გააკეთა და აღნიშნა, რომ პორტუგალიელ სპეციალისტთან მოლაპარაკების დაწყება დღის წესრიგში არ დგას. თუმცა, აპენინელი ჟურნალისტები თავისას არ იშლიან და აცხადებენ, რომ დიდი ალბათობით, ზაფხულში მილანურ გრანდს სწორედ ანდრე ჩაუდგება სათავეში.
"კორიერე დელო სპორტი" კიდევ უფრო წინ წავიდა და სანდო წყაროზე დაყრდნობით, მხარეთა შეთანხმების შესახებ გაავრცელა ცნობა.
ავტორიტეტული გამოცემის მტკიცებით, ვილაშ ბოაში "ინტერთან" 2-წლიან ხელშეკრულებას გააფორმებს და სეზონში 3 მილიონ ევროს მიიღებს. ვნახოთ, ყველაფერს დრო გვიჩვენებს.
|
FC.INTERNAZIONALE 
Fc.inter