გუშინ, 9 მარტს მილანის ინტერის დაარსებიდან ზუსტად 104 წელი გავიდა.
"ნერიაძურიმ" იუბილე კიევოსთან გამარჯვებით აღნიშნა, რომელიც ბოლო წუთებზე იქნა მოპოვებული.
ამით დასრულდა ინტერის დიდ ხნიანი მოუგებელი სერია და რაც არ უნდა სიმბოლური იყოს, ეს ყველაფერი 104–წლიან იუბილეზე მოხდა.
ამ ფაქტთან დაკავშირებით ჟურნალისტები გაესაუბრნენ ვის თუ არა გუნდის ცოცხალ ლეგენდას ხავიერ ძანეტის, რომელმაც ბევრი სირთულის მიუხედავად, მაინც თბილად ისაუბრა თავის საყვარელ გუნდზე:
"სასიამოვნოა, რომ ამ დიდებული ოჯახის ნაწილი ვარ უკვე მრავალი წელი. დიახ, ჩვენ უამრავი პრობლემა გვქონდა წარსულში და ახლაც არ გვაკლია სირთულეები, თუმცა ამის მიუხედავად, აქედან წასვლაზე არასდროს მიფიქრია."
"არასდროს მიოცნებია დიდ ფულსა და ვარვსკვლავობაზე, მე უბრალოდ ინტერზე ვარ შეყვარებული და ყოველ თამაშში ბოლომდე ვიხარჯები გუნდისთვის. ვულოცავ დაბადების დღეს ჩემს საყვარელ კლუბს."
"არ აქვს მნიშვნელობა სად წავა ჩვენგან წასული ფეხბურთელი, გულში ის მაინც ინტერისტად დარჩება, რადგანაც ამ გუნდის დავიწყება უბრალოდ შეუძლებელია."–განაცხადა ლეგენდარულმა არგენტინელმა კლუბის ოფიციალურ ვებ–გვერდთან საუბარში.
|
FC.INTERNAZIONALE 
Fc.inter