ხვალ ლევერკუზენი ბარსელონაში ჩავა და ოფიციალურად გაიფორმებს ლიგიდან გამოვარდნას, დღეს საღამოს კი წინასამატჩო პრესკონფერენცია გაიმართა, სადაც პეპ გუარდიოლამ "ფარმაცევტები" შეაქო, შემდეგ კი სხვადასხვა საინტერესო კითხვებზეც გასცა პასუხი.

"ბაიერნის" გულშემატკივართა განსაკუთრებული ყურადღება კი ერთ-ერთი გერმანელი ჟურნალისტის მიერ დასმულმა კითხვამ უნდა მიიქციოს: "სინიორ გუარდიოლა, თქვენ სეზონის ბოლოს კონტრაქტი გიმთავრდებათ, გავრცელებული ინფორმაციით კი მოლაპარაკება ჩიხშია და თქვენით უკვე სხვადასხვა გუნდები სერიოზულად ინტერესდებიან, სახელდებოდა "ჩელსის" და "ინტერის" ვარიანტი, ბოლო დროს კი გავრცელდა ინფორმაცია, რომ "ბაიერნს" მომავალი სეზონიდან ამჟამინდელი მწვრთნელის განთავისუფლება და თქვენი გაფორმება სურს, წარმოგიდგენიათ საკუთარი თავი მომავალი სეზონიდან "რეკორდმაისტერის" მწვრთნელად?

"მე ვფიქრობ რომ "ბაიერნს" ახლა ძალიან კარგი მწვრთნელი ჰყავს, დიდი გამოცდილებით და ფეხბურთის კარგი ცოდნით, არ ვიცი აპირებენ თუ არა ისინი კონტრაქტის გაწყვეტას, თუმცა თუ შემოთავაზება მართლაც იქნება, საფიქრალიც ნამდვილად გაჩნდება, "ბაიერნი" ბრწყინვალე გუნდია, გადაჭრით არაფრის თქმა არ შემიძლია, საკუთარი მომავალი ჯერ არ გადამიწყვიტავს." - დასძინა პეპმა.

FC.INTERNAZIONALE