FC.INTERNAZIONALE              

რიგით 215-ე იტალიის დერბის „იუვენტუს არენამ" უმასპინძლა და როგორც მოსალოდნელი იყო, მასპინძელმა გუნდმა „ინტერს" სეზონის მე-2 მატჩიც მოუგო.

ტურინში გამართული თამაშის პირველი ნახევარი თანაბარ და ძალზე სანახაობრივ ბრძოლაში წარიმართა. მიუხედავად არაერთი სახიფათო მომენტისა, გუნდებმა შესვენებამდე გოლის გატანა ვერ მოახერხეს.

მე-2 ტაიმში, ფეხბურთს მხოლოდ „იუვენტუსი" თამაშობდა და ანტონიო კონტეს შეგირდებმა დამსახურებულად იმარჯვეს. ანგარიში 57-ე წუთზე გაიხსნა, მას შემდეგ, რაც პირლომ ბურთი კუთხურიდან მოაწოდა და კასერესმა თავით კარგად ითამაშა. 71-ე წუთზე, ვიდალმა კარგი გადაცემით „ინტერის" მთელი დაცვა უსაქმოდ დატოვა და „იუვენტუსის" ლეგენდას, ალექს დელ პიეროს მიმდინარე გათამაშებაში პირველი გოლი გაატანინა.

29-ე ტურის ბოლო თამაშის შემდეგ, „იუვენტუსი" კვლავ წაუგებელია და ჩემპიონობისთვის ბრძოლას განაგრძობს, ხოლო „ინტერი" ევროზონას კიდევ უფრო დაშორდა.

„იუვენტუსისგან" განსხვავებით, ორბურთიანი უპირატესობა ვერ გამოიყენა „ნაპოლიმ", რომელიც „კატანიას" მასპინძლობდა. ნეაპოლელებმა ანგარიში 61-ე წუთზე, ჯემაილის შესამიშნავი შორეული დარტყმით გახსნეს. 6 წუთში, მეკარესთან პირისპირ გასულმა კავანიმ ბურთი ძელს მოარტყა, მაგრამ სტუმარი მცველები ძალიან ცუდად გაისარჯნენ და ბურთი კვლავ ნეაპოლელთა მე-7 ნომრამდე მივიდა, რასაც მასპინძელთა წინ 2 ბურთით გასვლა მოჰყვა. „კატანიამ" ერთი ბურთი 75-ე წუთზე, სპოლის მოხდენილი თავურით გაქვითა, ხოლო ათ წუთში, ლანცაფამემ 6 მეტრიდან გაისროლა და სიცილიელებს ქულა მოუტანა.

ზედიზედ 2 თამაშის წაგების შემდეგ, კვლავ მოიგო „ლაციომ". რომაელებმა „კალიარის" უმასპინძლეს და მეტოქე შეხვედრის მიწურულს, დიაკიტეს მიერ გატანილი გოლით დაამარცხეს.იუვენტუსი-ინტერი 2:0 (0:0)

ტურინი, "იუვენტუს არენა”

იუვენტუსი (4-3-3): ბუფონი, კასერესი, ბარძალი, კიელინი, დე ჩელიე, ვიდალი, პირლო, მარკიზიო, პეპე (ბონუჩი 53), მატრი (დელ პიერო 53), ვუჩინიჩი (კვალიარელა 74).

მწვრთნელი: ანტონიო კონტე.

ინტერი (4-4-2): ჟულიო სეზარი, მაიკონი, ლუსიო, სამუელი, ნაგატომო, ძანეტი, სტანკოვიჩი, პოლი (ფარაონი 67), ობი (პაცინი 67), მილიტო, ფორლანი.

მწვრთნელი: კლაუდიო რანიერი.

გოლები: 1:0 კასერესი (57), 2:0 დელ პიერო (71).

გაფრთხილებები: დე ჩელიე 75 - ნაგატომო 34, პოლი 45.

მსაჯი: ანდრეა დე მარკო.
1. მილანი 29 19 6 4 59:23 63
2. იუვენტუსი 29 15 14 0 46:17 59
3. ლაციო 29 15 6 8 43:34 51
4. ნაპოლი 29 12 12 5 54:32 48
5. უდინეზე 29 13 9 7 40:27 48
6. რომა 29 13 5 11 42:35 44
7. კატანია 29 10 12 7 38:37 42
8. ინტერი 29 12 5 12 38:38 41
9. ატალანტა 29 10 13 6 33:29 37
10. ბოლონია 29 9 9 11 31:35 36
11. პალერმო 29 10 6 13 41:46 36
12. კიევო 29 9 9 11 25:36 36
13. კალიარი 29 8 10 11 29:36 34
14. ჯენოა 29 9 7 13 37:51 34
15. ფიორენტინა 29 8 9 12 29:35 33
16. სიენა 29 8 9 12 33:31 33
17. პარმა 29 7 11 11 35:46 32
18. ლეჩე 29 6 9 14 31:45 27
19. ნოვარა 29 5 9 15 24:46 24
20. ჩეზენა 29 4 6 19 18:47 18
შემდეგი ტური

31 მარტი

კატანია-მილანი; პარმა-ლაციო.

1 აპრილი

რომა-ნოვარა; კალიარი-ატალანტა; ლეჩე-ჩეზენა; ფიორენტინა-კიევო; ინტერი-ჯენოა; ბოლონია-პალერმო; სიენა-უდინეზე; იუვენტუსი-ნაპოლი.