როგორც ვიცით რამოდენიმე საათში ჩემპიონთა ლიგის მორიგი 1/4 ფინალური მატჩები გაიმართება. ალიანს არენაზე ბაიერნი ბაზელს მიიღებს, ხოლო ჯუზეპე მეაცაზე ინტერი მარსელს დაუპირისპირდება.

ორივე მატჩს არც ინტერესი აკლია და არც ინტრიგა, თუმცა ამ ორი დაპირისპირებიდან გამოსაყოფი უფრო მილანური მატჩია, რადგანაც "ნერიაძურიც" და ოლიმპიკიც ამ დროისთვის ერთ დონეზე არიან და არცერთის გასვლა შემდეგ ეტაპზე სენსაცია არ იქნება, ბაიერნი–ბაზელის წყვილისგან განსხვავებით.

დღეს ინტერისტების უმთავრესი იმედი უესლი სნეიდერი იქნება, რომლის ირგვლივ იმდენი ჭორი დადის, რამდენ ტრავმასაც იღებს ჰოლანდიელი სეზონის მანძილზე.

ამ აზრისგან შორს არც გუნდის ცოცხალი ლეგენდა სანრო მაცოლაა, რომელსაც ოპტიმიზმის საფუძველს სწორედ ჰოლანდიელის მოედანზე ყოფნა ანიჭებს:

"იმედი მაქვს, რომ დღეს ძველ სნეიდერს ვიხილავთ, რომელიც გუნდის წარმატების სავიზიტო ბარათი იყო. ის დღესდღეობითაც ერთ–ერთი საუკეთესოა, თუმცა ამის მიუხედავად ბევრი რამის დამტკიცება მოუწევს."

"ჰოლანდიელმა ბევრი დაზიანება გადაიტანა, რასაც ფორმიდან ამოვარდნა მოჰყვა, თუმცა რანიერი ცდილობს ფეხბურთელის მეორედ გაცოცხლებას და ვთვლი, რომ გამოსდის კიდეც. ერთი სიტყვით დღევანდელი მატჩი ბევრ რამეს გადაწყვეტს და დაგროვილ კითხვებზე პასუხებსაც მივიღებთ."–განაცხადა მაცოლამ Goal.com–თან საუბარში.

FC.INTERNAZIONALE